martes, 10 de marzo de 2020

As mulleres e a Literatura.

Onte, 8 de marzo, o mundo enteiro ruxiu co berro soberado de milleiras persoas que clamaban por un mundo máis xusto entre mulleres e homes. E dende a Biblióteca tamén queremos rindir unha homenaxe a todas aquelas escritoras que fixeron da República das Letras unha patria máis amplia e aberta a diferenza.


luns, 2 de marzo de 2020

A Pinguela de Cine!



O vindeiro 10 de marzo farase un casting entre o alumnado que desexe participar na película "Live is Life" de Dani de la Torre. Dende a Biblioteca xa nos tarda porder ver e ter na nosa colección esta película con alumnos do centro!


martes, 11 de febreiro de 2020

Degustación na Biblioteca.



Como cada ano faremos unha degustación de crepes dende a Biblioteca. Compartimos, pois, para fecelo público, o cartaz do acto. Esperamos que veñades e vos gusten!!


luns, 10 de febreiro de 2020

Os códices na Biblioteca.



O pasado mércores 5 de xuño se mostrou na Biblioteca unha edición fascímil do códice mánuscrito que se coñece baixo o nome xenérico de "O libro vermello de Jung". O fin desta charla-exposición era que os estudantes de Psicoloxía entraran en contacto coa obra do famoso psiconalista suizo.





Aproveitamos a ocasión para falar dos códices manuscritos, que eran os libros que había antes da invención da imprenta e que son verdadeiras xoias de arte. E particular estivemos vendo e interpretando algunha miniatura de "O Beato de Liebana" e de como este tipo de literatura tuvo os seu influxo sobre a obra de Jung.

Nos vindeiros días colgaremos un video que están realizando dende o grupo de traballo de CINE para que vos fagades unha idea de cómo foi esta charla-exposición. 


luns, 27 de xaneiro de 2020

Feliz Idade, premio da crítica 2019.


Dende a nosa Biblioteca queremos transmitir os parabéns a profesora e bibliotecaria do centro Olga Novo polo galardón coa que a crítica ven a premiar o seu último poemario, “Feliz Idade”.

A poeta tende unha mecha desde a xeración que a precedeu á que lle segue; entre o onte e o mañá da estirpe, alén do pasamento do pai e da nenez da filla. Nese punto, no territorio puro e esperanzado do presente, estes versos ofrécennos o avanzar dun lume libertario ao que os seus lectores asistimos enmeigados e pampos. É cando a palabra se vai recreando, co seu devir, no mundo rural, telúrico e bíblico da Terra á maneira de John Berger, nas lonxitudes dun discurso incesante, ao Walt Whitman, e nas múltiples luzadas que soamente poden aparecer desde o preliterario, ao xeito de Rosalía de Castro. Canda moitos outros confrades e parceiros electivos (Dylan Thomas, Anaïs Nin ou Luís Pimentel, ademais da enxurrada desbordada do surrealismo), a deste libro é tamén unha poesía sinestésica, ancorada na patria dos que saben amarse con tolemia incondicional.



1917, unha historia dentro da Historia.



As bibliotecas son lugares propicios para gardar, atesorar e contar historias. Tal vez por iso -á espera de adquirila en video para a nosa colección- invitamos ao alumnado de 1º de Bacharelato e 4º da ESO a proxección nos cines Hollywood de Monforte de Lemos da película 1917 da que vos deixamos o trailer comentado co que esperamos que se entenda mellor o filme.




luns, 16 de decembro de 2019

ULF, o vikingo galego.



A editorial Xerais ben de estrear unha nova banda deseñada que leva por título Ulf de Jakobsland. Os viquingos en Galicia da man do ilustrador Alberto Varela Ferreiro. A historia, como vedes, non pode deixar de ser tan fascinante:





Dende o departamento de Historia pedíronnos que nos fixéramos cun exemplar desta obra xa que da boa conta dalgúns feitos ocurridos no periódo máis oscuro da nosa historia, entre o séculos IX e XI. Cabe advertir que esta obra, ao principio, pode parecer delabazada e dispersa, pero responde as incursións esporádicas que fixeron o vikingos nas nosas  costas. Mais logo remata facendo unha semblanza do guerreiro ULF que acaba tendo sentido á luz dos mapas e as acotacións histórico-bibliográficas que temos ao final da obra: todo cobra sentido ao final! Ademais é unha obra que nos introduce na mitolóxia nórdica así como tamén nos abre o ollos as súas descubertas arqueolóxicas máis recentes.